Зи гьиссерин ц1арар к1ела

Автор: Нажмудин Шихнабиев 2


Зун рахазва вав гафаралд метлебсуз,

Багьна патал, гьар акурла луьк1уьнна.

Жуваз течиз гьа и гафар герексуз

Тикрарзава, рик1е ялав куьк1уьнна.



Белки вазни, аян хьана, чизва жед

Ви вилерай хъуьрезвайди заз зи бахт.

Вун рахайла, заз хъвайид хьиз тирди мед,

Хъуьрезва вун, атайди хьиз гатфар вахт.



Заз хъвер к1анда ви п1узаррал дат1ана,

Гагь буйругъдай, гагь минетдай, шадардай,

Ишигъ гудай, гагьни зи рик1 ат1ана,

Назиквални гел галачиз квадардай.



Гьавиляй за жуьрэтзавач мецелай

Лугьуз гафар вун паталди рик1евай.

Зи гьиссерин ц1арар к1ела чарчелай,

За ви гелер к1елзавайд хьиз рекьевай.