Зарина

Автор: Назила Махмудова


Нур гузавай экуьн кьиляй,

Рагъ яни вун, заз акунвай.

Т1век акъудда на зи рик1яй,

Чан зи гуьзель, рик1 Зарина!



Мус акурай, лугьуз вун яр,

Квахьна хьи зи, йифен ахвар!

Мус къведа заз, вакай хабар,

Чан зи гуьзель, рик1 Зарина!



Дарих я зун, вун такурла,

Кьисмет мус хьуй, гила чун чаз.

Шад жеда зун, вун акурла,

Ахвар яни, акур вун заз!?



К1андач гьеч заз девлетарни,

Масад галай кьисметарни.

Вун галачир суьгьбетарни,

Чан зи гуьзель, рик1 Зарина.



Фикирди лап, кьазва гзаф,

Чанда гьатиз, т1урфанни марф.

Мус гуда на, гила заз гаф,

Чан зи гуьзел, рик1 Зарина!



Билбил хьиз вун, рахада захъ.

Ябгуз к1анда, гьамиша вахъ

Бахтлу уьмуьр, хьурай лап чахъ

Чан аманат, рик1 Зарина!



24-ноябр. 2014