Чачома ульця

Автор: Светлана Фадейкина


Эрьванть ули эсь чачома ульцязо.

Моньгак ули, те — Татаровка песь.

Сонзэ парось — валскень зорянть валдозо,

Сон эйкакшпингстэ уцяска алтнесь.



Ульцянть кувалма ашо килейть касыть,

Тунда ранаяк пижелдыть лопаст.

Ютксост нармунтне тундонтень кенярдыть

Ды морыть морот, свал сынст ули шкаст.



Ютан певанть, потсо оймень таргаса,

Кенярдан пек, зярдо несынь ялган.

Эсь тиринь ёнксонть ош лангс а полавтса,

Чачома веле, мон тонть пек вечктян!